Berrikuntzako eta Jakintzaren Gizarteko Departamentua - Zientzia eta Teknologia - Gipuzkoa Berritzen

Gipuzkoa Berritzen

Gipuzkoako Lurralde Historikoan jarduera berritzaileari buruzko ikerketa-lana Zientzia, Teknologia eta Berrikuntzaren Euskal Sareko zentro gipuzkoarrekin, enpresekin eta Gipuzkoako Lurralde Historikoan I+G+Baren esparruan garrantzia duen beste eragile batzuekin topaketak egitean oinarritzen da, Lurraldeko jarduera berritzailearen emaitzak hobetzeko ekintza-estrategien inguruan hausnartzeko, horrela Gipuzkoa 2020 Hausnarketa Estrategikoa definitutako "Gipuzkoa Berritzailearen" anbizio handiko eszenatokirantz aurrera egiteko.

Horregatik, ikerketa-lanak berrikuntza sustatzen duten eta horren emaitzak hobetzen dituzten ekintzetan sakontzen du, ondokoak bezalako alor desberdinen bitartez:

• Berrikuntza eta ekintzailetzaren kultura sustatzea
• Berrikuntzarako tarteko espazioak sortzea
• Erakunde berritzaileak sustatzea
• Berrikuntza-sistemako eragileen arteko sinergia sustatzea
• Enpresa eta jarduera berritzaileak sortzea
• Lurralde berritzailearen irudia sustatzea

Ikerketa lana IK-4k (Tekniker eta Ikerlan) eta Deustuko Unibertsitateak koordinatu eta dinamizatzen dute.

Berrikuntzaren Talde Sustatzailea

Gipuzkoan Berrikuntzaren Talde Sustatzaileak, Gipuzkoa Berritzen proiektuaren emaitza gisa, berrikuntzako inbertsioen emaitzak hobetzea du helburu. Horrez gain, etorkizuneko Gipuzkoako Berrikuntza Agentziaren hastapena izango da.

Informazio gehiago