Berrikuntzako eta Jakintzaren Gizarteko Departamentua - Enpresa Garapena - Hiritarrak - Eskulangintzaren sustapena

Eskulangintzaren sustapena

Eskulangintzak, jarduera ekonomiko bat izateaz gain, herri baten izaera eta nortasuna definitzen laguntzen du, bere produktuak gizarte bat edo kultura nortasun bat irudikatzen duten sinboloak direlako, makinak, kutxak, argizaiolak, kaikuak, bertako musika tresnak,etab.

Eskulangintza sustatzearen kontzeptuaren ildoko ekimen gisa hauek azpimarratu behar dira:

Eskulangintza sektorea sustatzeko plana

Gipuzkoan eskulangintza sektorea sustatzeko planaren helburua eskulangintza sustatzea da, ondasunak sortu, ekoiztu, eraldatu, konpondu eta zaharberritzeko jarduera oro edo zerbitzuak emate bezala ulertuta, langileek esku hartzen duten prozesu baten bitartez egindakoa, ekoizpen prozesu guztia gainbegiratu eta kontrolatuz, azken emaitza gisa faktura indibidualizatua eta industriakoa ez dena ematen duena.

Eskulangintza sektorea sustatzeko planaren laguntzak lor ditzaketen ekintzak hauek dira:

• Eskulangintza tailer eta enpresa berrien sorkuntza babestea
• Eskulangintza tailer eta enpresak babestea ibilgetu materialean inbertsioak egiteagatik eta Euskal Autonomia Erkidegotik kanpoko azoketara joatea.
• Eskulangintza sektoreko erakunde adierazgarriek egindako eskulangintza azoka edo lehiaketen antolamendua babestea.
• Eskulangintza sektoreko erakunde adierazgarriek egindako kudeaketa, merkaturatze edo berrikuntza alorretako beste hobekuntza proiektu batzuk babestea.

Laguntzaren bat eskatu edo Gipuzkoako Foru Aldundiak ezarriko dituen bereizgarri edo ziurtagiriak erabili nahi dituzten pertsona, tailer eta eskulangintzako enpresek Gipuzkoako Eskulangintza Tradizional eta Herritarraren Erroldan, inskribatuta egon beharko dute, baina eskakizun hori ez da aplikagarria izango beren ordezkaritza erakundeen eta sektorearen aldeko jarduerak sustatzen dituzten beste pertsona eta erakundeen kasuan.

Eskulangintza sektorea sustatzeko laguntzen eskaera honela egin ahal izango da:

• Internet bidez. (Laguntzen eskaera betetzeko argibideak PDFan kontsultatu )
• Berrikuntzako eta Jakintzaren Gizarteko Departamentuan (Gipuzkoa Plaza, Z/G, aurrez laguntzen eskaera beteta (PDF inprimakia).

Internet bidez aurkeztutako eskaeren kasuan, laguntza mota bakoitzarentzat ezarritako portzentajeak % 10 gehiago bitarte zabalduko dira.