Berrikuntzako eta Jakintzaren Gizarteko Departamentua - Internet eta Informazioaren Gizartea

Internet eta Informazioaren Gizartea

Gipuzkoa Informazioaren Gizartean guztiz sar dadin sustatzea, informazioaren teknologia berrietarako azpiegiturak hobetzea, bai eta gizarte gipuzkoarraren esparru guztietan Internet hedatu eta horren erabilera handiagoa izan dadin laguntzea ere, Gipuzkoa Informazioaren eta Komunikazioaren Teknologien (IKTak) garapen eta erabileran Europako lurralde aurreratua izan dadin lortzeko.

Informazioaren Gizartea, Internet eta informazioaren eta komunikazioaren teknologiak duela urte batzuetatik gizarte gipuzkoarrean txertatuta daude, Gipuzkoaren datozen urteetarako erronka eta lehentasunei behar bezala aurre egiteko beren ekarpena indartzeko asmoz. Hau da:

• Gure ekonomiaren eta gure enpresen lehiakortasuna eta enplegua sortzea.
• Biztanleriaren bizi kalitatea eta gizarteratzea

Jarduera eremu nagusiak hauek dira:

• Gipuzkoan bazterkeria jasateko arrisku handiena duten pertsonek (ezinduak, prestakuntza maila baxuagoa duten pertsonak, adinakoak, langabetuak edo ez-aktiboak, bai eta kualifikaziorik gabeko pertsona immigranteak eta landa ingurunekoak) IKTak behar bezala eskuratu eta erabiltzea sustatu eta errazten duen Informazioaren Gizartea sortzea.
• I Enpresa guztiak informazioaren gizartean sartzea, beren lehiakortasuneko ezaugarri eta beharren arabera. Horrekin adierazi nahi dena da Internetekoak ez diren enpresak ekipamendua, Interneterako konexioa eta oinarrizko erabilerak edukitzea, jada interneten murgilduta dauden enpresek erabilera aurreratuak edukitzea eta enpresa estrategian sartzea eta I+G+Balorrean IKTak sartzea.
• Jakintzan eta prestakuntzan teknologia berriak behar bezala erabiltzea. Hau da, teknologia berrien erabilera sustatu eta integratzea gizartearen ezagutzako eta ikaskuntzako prozesuan, eduki egokiak eta kolektibo desberdinei egokitutakoak sortzearen bitartez, bai eta elkarren arteko lankidetzaren bitartez ere.
• Gipuzkoako foru administrazioaren eta udal administrazioaren edukiak eta zerbitzu digitalak sortzea, biztanleriaren bizi kalitatearen eta lehiakortasunaren eta enpleguaren zerbitzura jartzeko, biztanleria guztiaren zerbitzura, egoera pertsonala, teknologi berriekiko hurbiltasuna, hautatutako hizkuntza eta egoitza alde batera utzita

Interneti eta Informazioaren Gizarteari arreta eskaintzen dieten jarduera esparruak hauek dira:

• i-gipuzkoa2010 programa Pertsonak
• i-gipuzkoa2010 programa Enpresak
• i-gipuzkoa2010 programa Jakintza
• i-gipuzkoa2010 programa Administrazioa