Berrikuntzako eta Jakintzaren Gizarteko Departamentua - Departamentuarekin harremanetan jarri - Departamentuaren eskumenak - Informazio Gizartearen eta Sistemen Zuzendaritza Nagusiaren eginkizunak eta eskumenak

Informazio Gizartearen eta Sistemen Zuzendaritza Nagusiaren eginkizunak eta eskumenak

INFORMAZIO GIZARTEAREN ETA SISTEMEN ZUZENDARITZA NAGUSIAren jardun esparruak:

• Informazio gizartearekin eta komunikazio sistemekin zerikusia duten politikak garatzea.
• e-Gipuzkoa2010 Plana kudeatzea eta koordinatzea.
• Irudi eta jarduera turistikoa sustatzea.
• Berrikuntzako eta Jakintzaren Gizarteko Departamentua partaide dela, Eusko Jaurlaritzarekin eta gainerako erakundeekin egiten diren erakunde arteko planak prestatzen, garatzen eta jarraitzen parte hartzea.

Informazio eta Komunikazio Teknologia Berrien Sustapen Zerbitzuaren eginkizunak:

• i-Gipuzkoa2010 Planetik eratorritako jarduketak kudeatzea.
• Enpresen jardueretan informazioaren eta komunikazioaren teknologiak jartzeko eta erabiltzeko laguntza diseinatzea eta kudeatzea.
• Foru departamentuekin, udalekin eta Eusko Jaurlaritzarekin elkarlanean, zerbitzu publikoak Sarean sustatzea.
• "Gipuzkoa.net" domeinua Gipuzkoaren erreferentzia instituzionaleko web atari gisa bizkortzea eta sustatzea, Gipuzkoako Foru Aldundiaren Komunikazioa eta Prospekzio Zuzendaritza Nagusiarekin elkarlanean.
• IZFE, S.A. Informatika Zerbitzuen Foru Elkarteari begira, behar diren inbertsioak bultzatzea, elkartearen zuzendaritza organoen ahalmenak eragotzi gabe, elkarteak sistema tekniko orokorrak jarri, garatu eta mantendu ditzan eta, hartara, datuak bildu, tratatu eta biltegiratzeko sistema egokiak eduki ditzan eta datuak transmititzeko, egiaztatzeko, ordaintzeko nahiz babesteko bitarteko baliagarriak erabil ditzan bermatzeko. Informazioa ostatatzeko sistemak jartzea eta behar diren inbertsioak egitea, bere zerbitzuen gaitasun operatiboa mantentzeko eta hobetzeko, hain zuzen ere, bai foru administrazioan bai toki administrazioan handitzen ari den zerbitzu telematikoen eskakizunari erantzuteko.
• Garapen turistikoarekin eta e-turismoarekin zerikusia duten politikak kudeatzea.
• Berrikuntzako eta Jakintzaren Gizarteko Departamentua partaide dela, Eusko Jaurlaritzarekin eta gainerako erakundeekin egiten diren erakunde arteko planak prestatzen, garatzen eta jarraitzen parte hartzea, bere jardun esparruaren barruan.