Berrikuntzako eta Jakintzaren Gizarteko Departamentua - Departamentuarekin harremanetan jarri - Departamentuaren eskumenak - Idazkaritza Teknikoaren eginkizunak eta eskumenak

Idazkaritza Teknikoaren eginkizunak eta eskumenak

Departamentuko Idazkaritza Teknikoa foru diputatuaren menpean egongo da hierarkikoki eta zuzendari nagusienean funtzionalki, eta 1984ko maiatzaren 30eko 3/1984 Foru Arauak[1], Gipuzkoako Lurralde Historikoaren Gobernu eta Administrazioari buruzkoak, 34. artikuluan aipatzen dituen eginkizunak beteko ditu.

Bereziki, eta departamentuak dituen eskumenen barruan, eginkizun hauek izango ditu Idazkaritzak:

• Erabakiak hartu behar dituzten organoetara tramitatzen diren egintza eta ebazpen guztien legezkotasuna kontrolatzea, bai eta administrazio publikoen kontratuen legeriaren mendeko espedienteena ere.
• Departamentuaren jarduera ekonomikoa kudeatzea, tramitatzea eta kontabilitatea kontrolatzea, aurrekontua gauzatzeko eraren jarraipena egitea eta aurrekontu aldaketak tramitatzea, Departamentuko zerbitzu eta organo guztiei aldiro-aldiro eta garaiz horren guztiaren berri emanez.
• Departamentuaren aurrekontuaren aurreproiektua egiteko lanak koordinatzea.
• Departamentuaren Kudeaketa Plana egiteko lanak koordinatzea.
• Departamentuaren eskumeneko arau-xedapenak, hitzarmenak, lankidetza protokoloak edo txostenak aztertzeko, egiteko eta jarraitzeko aholkularitza tekniko-juridikoa ematea eta horiek argitaratzeko kudeaketak egitea.
• Zuzendaritza Nagusiekin koordinatuta, Departamentuaren arau egutegia egitea.
• Zuzendaritza Nagusiekin batera, Departamentuaren urteko oroitidazkia egiteao.
• Kontuen Epaitegiarekin behar diren harremanak edukitzea.
• Foru diputatuari eta Departamentuko gainerako organoei lege aholkularitza eskaintzea, eta eskatzen dizkioten irizpenak eman eta kontsultei erantzutea.
• Departamentuko Erregistro Orokorraz, artxiboaz eta fede publikoaz arduratzeaa.
• Departamentuaren zerbitzu gidak eta katalogoak berritzea eta eguneratzea.
• Herritarren laguntza eta arreta zerbitzuak kudeatzea, Departamentuaren jardun esparruaren barruan.